收視就如本港的天氣，經過了上星期的寒冷，大部分劇都全面回升。
但仍然有兩劇逆市下跌，是因為有對手出現，還是劇的受歡迎程度續降？
至於下季新劇，本星期有不少公佈，包括
《不能變得坦率》 – 上野樹里、瑛太、関めぐみ、玉山鉄二
《同窗會～Love Again症狀群》 – 黒木瞳、高橋克典、斉藤由貴、三上博史
《白色榮光２ 染血將軍的凱旋》 – 伊藤淳史、加藤あい、西島秀俊、仲村トオル
《職業高爾夫球之花》 – 加藤ローサ、片瀬那奈
《警部補 矢部謙三》 – 生瀬勝久、池田鉄洋、貫地谷しほり
| 劇名 | 1 | 2 | 3 | 4 | 5 | 6 | 7 | 8 | 9 | 10 | 11 | 平均 |
| CODE BLUE 2nd Season | 18.8 | 17.1 | 17.2 | 16.2 | 16.5 | 15.1 | 15.9 | 16.79 | ||||
| 不委曲的女人 | 15.4 | 11.0 | 13.7 | 13.3 | 13.1 | 14.5 | 13.6 | 13.59 | ||||
| 不毛地帶 | 12.1 | 11.8 | 12.2 | 10.2 | 11.6 | 10.7 | 11.8 | 11.48 | ||||
| 決定不哭的日子 | 10.2 | 7.5 | 10.0 | 9.5 | 12.7 | 9.99 | ||||||
| 不平則鳴２ | 12.9 | 9.9 | 9.1 | 10.8 | 8.8 | 7.2 | 9.92 | |||||
| 上班族金太郎２ | 10.0 | 9.1 | 9.4 | 9.2 | 8.6 | 8.3 | 9.8 | 9.20 | ||||
| 正直男人 | 10.7 | 8.7 | 8.6 | 7.8 | 9.4 | 8.8 | 8.8 | 9.04 | ||||
| 完美小姐進化論 | 12.1 | 9.3 | 7.6 | 5.2 | 8.5 | 7.0 | 8.45 | |||||
| Bloody Monday Season 2 | 9.5 | 7.9 | 8.3 | 6.6 | 8.4 | 8.38 | ||||||
| 左目偵探EYE | 8.5 | 7.7 | 8.2 | 7.3 | 8.5 | 8.07 | ||||||
| 宿命1969-2010 | 8.4 | 7.2 | 7.4 | 5.3 | 5.3 | 6.72 | ||||||
| 轉職必勝班 | 7.5 | 6.1 | 7.0 | 4.7 | 5.1 | 6.4 | 6.13 |
＊ 整體來說，各劇的收視都有明顯的升幅，而當中比較明顯的是《決定不哭的日子》《轉職必勝班》《Bloody Monday 2》
＊ 值得留意的是《轉職必勝班》繼續有強勁番組對手高收的情況下收視回升，會不會是反底？因為字幕組做得慢在下未看到最新的部分，但整體來說還是輕鬆兼實用的劇
＊ 而其他的大部分都有一定的升幅，然而有兩劇卻逆市下跌，包括《不平則鳴２》及《完美小姐進化論》，是否劇的問題就留給還有看的朋友解說了。
今次讓我們集中火力在2010春的日劇情報，因為有大量新劇登場，也有其他已公佈劇的更新：
《不能變得坦率》 – 富士木十
上野樹里、瑛太、関めぐみ、玉山鉄二、木南晴夏、渡辺えり、井川遥、風吹ジュン
在下已經另文詳細寫過了，在此再一次覆述：
故事圍繞五個於不同環境生活的男女，因為Twitter上的留言而相遇，以涉谷為舞台上演一幕幕圍繞愛情和友情的青春劇。
主角五人，分別是對做戰地攝影師的父親視為偶像，因有情意結而自己也當了攝影師的ナカジ（瑛太），對自己要求嚴格的私立高校兼職教師ハル（上野樹里），在公司內與上司發生不倫關係的ピーち（関めぐみ），有ED（Erectile dysfunction，勃起障礙，簡稱陽痿）問題而不能向別人說，在出版社上班的玉山鐵二，還有一位女博士，仍未公佈演員。
五人各有問題，ナカジ想像父親一樣成為戰地攝影師，但對從戰場上負傷歸來後性情大變的父親無法理解。ハル和一個在Twitter認識的教師交往，但自己卻因為遲遲未能成為正式教師而不安，軟弱的ナカジ和堅強的ハル因為Twitter而走近，能否互相解開對方的心結？
至於ピーち是ハル的朋友，利用Twitter溝通訴說其不倫的狀況，而那個女博士也因為Twitter而認識了玉山鐵二，糾纏著他，但他的陽痿問題卻令他對與女生交往有嚴重的影響…
幕後班底方面實力頗強，編劇是大人氣的北川悅吏子，而監製的是《Last Friends》的中野利幸，導演則是《BOSS》的光野道夫。
在日本方面，關於此劇有兩個熱烈的討論題目：
第一，是網民很懷疑北川悅吏子是否懂得玩Twitter，不知道她能否好好把Twitter運用在劇本之中。老實說，以她大姐的能力，應該不會兒戲，找一兩個Twitter專家幫手就行。
第二，是傳聞本劇將會有久休的常盤貴子復出！這是日本網上最新傳開的，有人懷疑她只是Guest，也有人覺得她就是未公佈的第五人。的確，明明寫了是五人的故事，為什麼第五人要收埋？的確很易引起那是大星的猜測。
無論如何，必看吧？！在下也因為這樣而銳意更新Twitter中，以行動支持本劇！
《同窗會～Love Again症狀群》 – 朝日木九
黒木瞳、高橋克典、斉藤由貴、三上博史
故事講述4個中學同學，畢業了30年，於45歲再會時，發生的純愛、家族、格差、嫉妒，交織出一幕幕中年男女的愛情現象劇。
主角宮沢朋美（黒木瞳）是一個平凡的家庭主婦，感情纖細，丈夫失業，有兩個在學的兒女，為了生計唯有在大學醫院的職員飯堂打散工。然而她在中學時代卻是啦啦隊隊長，為極多男生傾慕的校內明星，而當年她和杉山相戀，最後感情卻無疾而終。
杉山浩介（高橋克典）是個刑警，妻子是全職主婦，育有一兒，住在公務員宿舍。因為職務繁忙，無瑕照顧家庭，和妻兒的關係疏離，更會把工作上所受的氣帶回家
西川陽子（斉藤由貴）因為丈夫的生意成功，住在高級的六本木Hills公寓。中學時代並不突出，對於光芒四射受男生歡迎的朋美心存嫉妒，事實上原因是她喜歡當時和朋友拍拖的杉山。而後來她發奮讀書，嫁了有錢人，不斷展示作為貴婦的優越感，然而，她的女兒其實是丈夫和外遇的女人所生…
大久保真一（三上博史）是大型新聞雜誌的編集長，雖然名義上結了婚，但卻是一人獨居於高級公寓，為人愛自由及輕浮。中學時代對於老土的女生十分敵視，和陽子是一對仇家。
一次同學會，四人再遇後去居酒屋繼續聊天，然而在這一夜，各人的命運開始改寫，杉山和朋美逝去的戀情再度燃起，陽子對朋美的嫉妒心又再浮現，而大久保更一步步的接近陽子…
日劇都有不少中年男女的愛情劇，但這一套卻是前所未有讓在下最感興趣的，因為此劇齊集了當今外型及演技都最一流的四十代演員。黒木瞳的漂亮人盡皆知，高橋克典也是少有樣有型更夠陽剛味的男優。斉藤由貴和三上博史也是有性格兼有名氣，這個陣容在日劇界相當難得。
加上編劇是人氣的井上由美子（14歲媽媽、白色巨塔、武士高校），感情的描寫應該會不錯，更加強了在下興趣，你的想法又如何？
《白色榮光２ 染血將軍的凱旋》 – 富士火十
伊藤淳史、加藤あい、白石美帆、木下隆行(TKO)、戸次重幸、西島秀俊、仲村トオル
頗有口碑的《白色榮光》續篇，取材自原著小說系到第三部《染血將軍的凱旋》，故事講述東城大學附屬醫院的深切治療部(ICU)的部長速水晃一（西島秀俊），做事冷靜透徹，聲望很高，人稱「染血將軍」(General Rouge)。
某日怕血醫生田口（伊藤淳史）收到一封告密信，說速水有醫療廠商有不尋常的金錢關係，而此時被告發的醫療廠商支店長自殺身亡，讓田口感到很迷茫。而此時，上一次和他一起解決Batista事件的精英官僚白鳥（仲村トオル）因事故受傷被送進醫院，知道了這件事後，斷定支店長是被殺，於是凹凸的二人就再度聯手調查真相。
其實和上一輯一樣，同一個故事早就被拍成電影版，而除了阿部寬和竹內結子之外，速水的角色由堺雅人飾演，日劇版換上了西島秀俊感覺接近，有原著小說大賣的基礎，加上第一輯有好評，看來是值得大家留意的一套續篇。
《職業高爾夫球之花》 – NTV木十二
加藤ローサ、片瀬那奈、井上正大、高橋真唯、ムロツヨシ、佐藤二朗、石野真子、石黒賢
故事講述主角野宮花（加藤ローサ）本來是在高爾夫球當接待工作，但某天被教練醍醐（石黒賢）發現其打高爾夫球的天份，於是引導她成為職業球手。由於花的父親早逝，家人有大筆欠債，故此就算她父親的死和高爾夫球有關，她也全力接受挑戰。
而和她同時受訓的高瀬リコ（片瀬那奈）是個名人，自恃是天才球手，加上打扮入時，完全看不起既沒錢又老土的花，到底這兩人會在高爾夫球場中怎樣競爭？
高爾夫球…到底我們當中有誰對這運動有興趣？就算是在下喜歡的加藤ローサ也很難吸引在下去看吧…
《警部補 矢部謙三》 – 朝日金十一
生瀬勝久、池田鉄洋、貫地谷しほり
有看過《圈套》的朋友應該對於矢部謙三不會陌生，他是除了上田（阿部寬）及奈緒子（仲間由紀惠）之外最突出的角色，其特點是假髮和沒有辦案能力，總是在否定主角的想法，但卻引起了大量的笑話。
今次把他拿出來拍外傳，個人估計《圈套》的Fans應該會看吧！而且有貫地谷しほり也是賣點。不過外傳嘛……
今季的《轉職必勝班》，是《龍櫻》的外傳，同樣是生瀬勝久擔重任，同樣是前傳有阿部寬，結果收視……
假如阿部寬及仲間亂入又不同……
《不良仔與眼鏡妹》 – 朝日木九
上星期給某個日本網站Fake了，結果真正公佈的男女主角是成宮寛貴及仲里依紗。
成宮寛貴現年27歲，比起錦戶亮更老，而仲里依紗好像每次拍劇都越來越肥…可以Pass…
《新參者》 – TBS日九
已經確定了參演的有溝端淳平、向井理、木村祐一、笹野高史、原田美枝子、三浦友和，卡士不俗，繼續留意中。
早兩日先知宿命七集大結局,唔知算唔算係腰斬.我知道時都好愕然,不過琴日先睇左十分鐘,唔知點解諗起木面呂……
誠如劍心所言,不委曲的女人幾個性格極端角色,某程度上反映到人生既抉擇問題.劇情某程度上有d胡鬧,但大家都知道係做戲,我覺得某d位知道同現實有距離就算,笑下就算.
簡單一句…你咁樣同自己犯賤係無分別..
你唔中意..可以唔睇…但你都要黎睇…
又要睇..又要話…
咁樣同一個自虐狂係無分別…
我睇唔出版主就一d已公佈o既資料去發表有關自己喜好o既個人見解會有咩錯而要俾你插.
唔明白點解賽後檢討可以唔中肯,但係賽前感受就一定要中肯,我睇到o既只係你將人地o既個人觀感夾硬屈到叫做"定論"!
老生常談,對版主嗤之以鼻,覺得人地自high,好似樓下果位朋友咁講,大可以不理,甚至自己去寫,唔岩傾唔岩睇又要黎插,就好似明明食齋又要自己走入扒房食然後話人碟碟都有肉咁,真係唔知邊個要檢討……
話說我平均一個月都不會在此站留言多於一次,真的要說的話,關於劍心大的個人成長哲學更加是嗤之以鼻,但我一樣沒有在那些話題上「加把口」,已經是相當的克制了,因為那更加是直接批評其本人,我並沒有這樣
日劇是人人都可以談的話題,不同人的觀感可以有所出入,要重要的是,你有欣賞過才有道理,未見官就下定論,是不是有點過了火位呢?這點值得自己拿回家想想
日劇的故事,有很多都很老土,很老掉牙,但是就是有魔法令這些情節雖公式化,但仍然有趣和感動人心,blog主的至愛buzzer beat都是屬於這一類劇本,看劇集大綱和casting,我們可以分辨自己的喜惡,劇評可以不中肯,但賽前檢討都如此個人化,這種程度的說話也受不了的話,得罪也要說,blog主不過是愈來愈自high….
每個人都有自己的主觀…只是給人參考..
不喜歡可以不理..但不能夠話人…
以及劍大一早已寫下了一篇文章..寫了這blog 的指引..置頂的..
留言前請看看…
你不喜歡可以不看這個bｌｏｇ…而不需亦都沒有資格去話blog 主的文章…
未睇先下定論,點講都抵被插
就算Blog主自己冇興趣…
也不應該一副未開波就先唱衰的語氣來談自己的感想吧….
我論關於高爾夫的題材真正在劇中的含量….雖知道劍心大「肯定」冇興趣,但係作為有接觸過這個運動的人(如我)來說也應該是可以一看的選擇….關於高爾夫的漫畫有很多,但日劇來說卻是新嘗試,還是別用一副只有加藤小姐才是賣點的說法來一口斷定劇集的吸引力吧….
真係唔好意思..
可能我表達得唔好..
令你覺得我O係度插板主..
我只係想講.. 板主講D咁GE說話好容易令人插佢..
因為板主話成宮比錦戶年紀大..
所以我先表達番自己認為年紀唔係問題..
最重要係同個CHARACTER夾唔夾..
本人冇睇過原來的故事..
本人我唔知邊個夾D!
不過我只係覺得成宮好似冇乜點變過樣..
睇落似比錦戶更合適..
個人覺得錦戶亮同二宮和也都是瘦削得黎比較顯老態，即係有啲dry嘅感覺
反而幾同意樓下有網友覺得成宮個樣(or身材??)比光一大…XD
我覺得左目基本上係冇乜推理
主要係兄弟之間嘅對抗
頭兩集有 d 平淡(and囧)
但唔會想快轉
個人認為都不錯
雖然成宮年紀比錦戶亮大，但錦戶亮睇落比較蒼老，加上身村瘦削，演不良少年成宮比佢適合，仲里依紗肥肥哋好可愛，而且又靚過夏帆，本來對不良仔無興趣，但換人後就興趣大增，夠誇夠搞笑就OK。
會唔會同身材都有的關係
KK兩個都是矮小型
加上娃娃臉
俾人感覺好像永遠長不大
我都很喜歡成宮啊！！！
他太適合‘不良’啦！！！
又可以看他主演的劇，太好啦～
他演技真的算不錯！！！
可是就是沒有很紅！！
不過支持支持！！！～～～
比较想看 同窗會～Love Again症狀群
好多好看的日劇…
"壽司王子"套劇入面，成宮做光一個細佬，但係我成家一齊睇都覺得佢似光一個大佬多的，雖然實際是光一大過佢，可見老唔老都係見仁見智囉！
我認同成宮個樣係後生,但係中學生真係差些少.佢唔算係個樣超細果隻,大野智果d就差唔多.
同埋覺得一個人老唔老都係主觀,睇留言一樣有人覺得佢唔後生唔多似中學生,家陣你係法官?你話人後生就唔俾人話佢老?
你可以唔認同版主同我地講既野,但係咁樣插人我覺得你好冇品,講到唔認同你諗法就係有問題,咁唔識尊重人,俾人插果個應該係你.
可能受小龜毒藥效應影響，連累同門師兄弟~~
同意左目都幾好睇，有d懸疑feel，不過劍心無睇所以無留意佢ga上落啫
成宮個樣我覺得唔算young，比起一些J家30代但個樣逆生長的可能更啱做不良仔
咪係..如果計埋未公佈的木村都係得佢同小大套怪物君咋…
不過上季都係差唔多情況…得Aiba套My girl…
J家人似乎越黎越少上劇..
今季竟然沒有J家人????大shock!!!!
係,我都好鬼期待E兩套…
可能今季冇乜劇好睇!(我淨係睇MIHO姐姐同NANA嗰兩套…其它…)
尤其一見到D CAST就開心到…
JURI不嬲都係我最愛,
佢演技可以話係U25最優秀!(葵同MAO都好好!)
加上有好奈冇見嘅北川悅吏子嘅劇本,必睇!
另外嗰套一見到型爆高橋大哥就HIGH爆XDDDD…
加埋靚靚黒木瞳EE…
最緊要就係劇本係井上由美子!希望E套有番《SCANDAL》嘅水準唔好好似上季《武士高校》咁令人失望…Nevertheless,由美子D劇本不嬲好正!
也許版主沒看drop啦…
入面成宮做不高中生很神似
不是搞事找碴,但想指出版主常有一個不足地方是
評價一個演員時
沒全面看演出,經常只靠有限刻板印象判斷
已不是主觀與否問題,而是參考資料都不足
就太武斷且欠缺說服力了
成宮寬貴, 大愛^^
其實佢好岩呢個角色呢
亦好開心呢度咁多人支持佢
成宮寛貴容個樣做學生我覺得 OK 架
睇 BM2 佢 keep 得好好
而且佢做 "不良" 好o岩佢
而且佢好耐無主過劇
所以好期待
其實你係咪專登講D野出黎比人插?!
話NARI老你都講得出..
本人覺得佢好似冇乜點變過樣咁..
從ごくせん到STAND UP到現在….
睇年紀真係冇乜意思..
睇樣先最重要…
最緊要個樣同到character夾架姐…
加藤ローサ加上高爾夫球的衣服和景觀, 只要劇本不要太老土都應該可以撐下去.
就算我是圈套fans, 對外傳興趣一般, 除非好似劍心講的有仲間及阿部寛…
但是阿部寛有新參者, 幾會不大…還是期望新參者吧!
下季的劇種確實多左愛情劇，
希望多d香港觀眾會因此去追啦！
個人留意到J家的劇好似愈黎愈少
人氣下滑，未知喜多川社長會如何應對呢？
個人期待：
《不能變得坦率》 – 上野樹里、瑛太、関めぐみ、玉山鉄二
《同窗會～Love Again症狀群》 – 黒木瞳、高橋克典、斉藤由貴、三上博史
非常同意!!下季好多都好吸引!
嘩@@~劍心你睇下你一話成宮寬貴老，下面差唔多個個留言都撐係佢啊xd
當然我都唔例外~我都好鐘意成宮寬貴~佢真係好靚仔^^
不過可能會變「不良先生」唔係「不良仔」xd
老實說，在下不覺得成宮寬貴的樣子適合演高中生，他外表只是比實際年齡稍細，做大學生還勉強可以…比起樣子太成熟的錦戶亮好不代表好嘛…如你所說，已經是「不良先生」的級數…
太好啦!~~係成宮做真係差好遠囉
起碼成個FEEL都唔同啦!!
好彩唔係上次個班人馬拍咋
田中聖真係完全搵唔到咩角色比佢拍囉
超興奮!!成宮做不良仔,,,絕對成了必看!
成宮寬貴好好多，年紀大唔係問題，ROOKIES成隊都係咁啦，最緊要唔好殘丫嘛，成宮有D邪氣，又有火，OK~錦戶亮唔係不良，係變態型
仲里依紗都係唔掂，不過都好過夏帆，櫻庭OR新垣就正喇~
下季似乎好景好多，今季真係悶到暈……
BTW,上季的(63回)日劇學院賞當然係JIN通殺，除左主演女優賞(只係因為冇女主角)，hehe，是大家可能都大跌眼鏡的志田未來。
http://zh.wikipedia.org/zh-hk/第63回日劇學院賞名單
成宮寛貴 is older, but he looks very young
He’s 不良high school student in movie "Drop", too
and after seeing the student actors in that movie, I think either him or Ryo would have no problem to act as student at their real age
確實成宮更適合..成宮個樣仲好細..
睇番極道、STAND UP..其實都係咁上下樣..
有D人就係咁襟老..好似香港既三哥咁~
劍心兄,視聽率回升仲有左目偵探EYE。今季仲有睇嘅只剩下Code Blue2,BM2同埋左目。但個人認為左目不錯,比bm2好睇,老實說bm2第4,5集有點悶,相反左目嘅真相可能由sp已經開始,有點出乎意料(本身無期望^^)
另外code blue2劇情太濫情,最離譜係醫生無理由會用on duty時間幫病人剪腳甲law!仲有好多人等住佢救架!
但係錦戶個樣比成宮更殘更大個..
所以比成宮做更ok…
而仲里依莎戴眼鏡同81 diver 差唔多啦…
只係今次要更傻更天真…
不過呢個cast 的確係叫座力同號召力係差左不少…at least 日本度唔係好多人buy兩位主角…
成宮寛貴不計他老不老..個人覺得他比錦戶似不良學生很多…而仲里依紗也比夏帆更似漫畫中的眼鏡妹感覺…所以我認為應該比原先的卡士更好看!!
決定不哭的日子收視升超多…其實這套真的很好看..在今季沒甚麼選擇之下…這套至少是非常吸引…而且有很大追看性…第五集小九也開始反擊了..期待之後發展