我的名字是Happy


Share


我個名叫Happy,今年三歲,未婚單身,嗜好係食同訓。
我幾個星期大就俾主人一家買左番黎啦,果時我仲係好細隻,一腳踩得死果隻。

不過我都算快高長大,到左一歲就有而家o既身形啦。


記得果時屋企仲有一隻松鼠狗叫Coffee,係主人一家細妹養o既,佢係女仔,但係好惡,我果時成日俾佢恰,不過自從細妹嫁左搬走埋,成間屋得番我一隻狗,我就霸晒成間屋啦,哈哈!

不過有時Coffee會番黎拜年,到時我就慘lu…

唔好睇我肥肥地,我都好鍾意運動架!主人叫我跳或者轉圈,係地下碌黎碌去,我都識做,咁當然,你唔俾野我食,我睬你都傻!

每逢主人一家食飯,我都會好乖咁係側邊等食,最多前腳上枱邊聞下今日有咩餸,而主人媽媽食完就會俾野我食,我就出名食野快,三扒兩步就食晒啦!

講起食野,主人哥哥好衰,成日都搵D野食引我,又唔俾我食,所以佢每次半夜番屋企都會吠佢,然後我就扮剎唔到車撞埋佢度,哈哈!

有好多人話我呢種八哥醜樣,之但係仲有更多人覺得我得意架!

平時我會上山頂,我係山頂徑都唔知有幾多Fans,D鬼佬鬼婆成日都話”Cute Pug!”咁架!好多人都鍾意同我玩。


我自認我係八哥界都算靚仔,本來一心諗住搵隻靚狗女,之不過,兩年前一次意外…..唉…..

不過唔緊要啦,我只要有得食同訓,得閒散下步,主人一家睇電視o既時候訓係佢地大脾,等佢地摸下我,我就滿足架啦。


其實,我覺得我仲幸福過主人,佢地好多煩惱,又會嘈交,好似我咁,生活簡簡單單,咪幾好!

得閒搵我出黎行街呀!


這些照片是因為在下發現沒什麼好影,於是找家裡的小狗來做Model。

牠不難拍,因為牠比較懶,常常扒著休息,故此可以慢慢調教角度去影到最好。

嚴格來說,在下只是偶然和牠玩玩,養育牠的重任就在媽媽身上。

在下只怕牠舔在下,因為牠的口水會讓在下起粒粒,雖然很快就退,但還是不太好。

一直想帶牠去散步,但缺乏動力,現在增加了拍攝這元素,應該會更容易成行吧!

也多得牠,在下知道自己比較喜歡狗,因為狗有活力,親切及懂人性,比較像一個朋友,而且在下也不是那麼文靜的人。

對於這批照片有什麼意見,也歡迎提出!

發表留言

Share


瀏覽次數:2,978  |   文章分類: 攝影相集  加入書籤: 永久連結