去到第三集左右的收視，就是看看是否仍然下跌，還是止跌回穩，可以看出劇的「留客」能力。
到底今季有哪幾套可以守得住？且看看收視的報告及分析！
| 劇名 | 1 | 2 | 3 | 4 | 5 | 6 | 7 | 8 | 9 | 10 | 11 | 平均 |
| 飛特族、買個家 | 17.6 | 16.8 | 17.25 | |||||||||
| 國稅查察官 | 17.6 | 13.1 | 15.62 | |||||||||
| 醫龍３ | 16.4 | 14.8 | 12.5 | 15.14 | ||||||||
| 黃金之豚 | 15.3 | 14.2 | 14.82 | |||||||||
| 獸醫杜立德 | 16.0 | 13.3 | 14.2 | 14.66 | ||||||||
| 流星 | 13.6 | 14.2 | 13.86 | |||||||||
| 罪 與惡魔契約的女人 | 15.4 | 12.6 | 10.8 | 13.14 | ||||||||
| Q10 | 15.3 | 10.2 | 10.7 | 12.34 | ||||||||
| 繼續２ SPEC | 11.5 | 8.2 | 10.1 | 11.6 | 10.42 | |||||||
| 秘密 | 10.1 | 8.8 | 8.8 | 9.23 | ||||||||
| 完美的報導 | 7.7 | 7.9 | 7.6 | 7.73 | ||||||||
| 靈能力者 小田霧響子之謊言 | 7.8 | 7.0 | 7.6 | 7.5 | 7.47 | |||||||
| 其他日劇 | ||||||||||||
| 最後的日出 | 5.8 | 3.8 | ||||||||||
| 第二處女 | 5.5 | 7.3 | 8.6 | |||||||||
| 吸血大耳窿 | 1.8 | 2.4 | 2.2 | |||||||||
| 黑豹 人中之龍新章 | 1.0 | 1.9 | 1.8 | 1.6 | ||||||||
| 相棒 Season 9 | 17.7 | 19.6 | ||||||||||
| 京都地檢之女 | 11.1 | 12.7 | 11.5 | |||||||||
| 冷暖人間 Season 10 | 13.3 | 10.8 | 12.0 | |||||||||
| FACE MAKER | 4.3 | 4.2 | 3.4 | 3.3 | ||||||||
| 檢事・鬼島平八郎 | 9.0 | 8.8 | ||||||||||
| 孃王3 | 4.6 | |||||||||||
| 複製兒 | 2.5 | 2.0 | 2.3 | 2.0 | ||||||||
| 桂千鶴診察日錄 | 7.0 | 8.6 | 9.0 | 9.4 | ||||||||
| 龍馬傳 | 16.3 | 16.1 | 18.0 | 16.2 | ||||||||
首先是守得住的組別。
《飛特族、買個家》第二集只是微跌，而且劇情第二集吸引了很多，看不到有再大幅下跌的可能，相信有望在本季跑出。
《黃金之豚》也算是OK，而《繼續２ SPEC》第二集大跌之後已經連升兩周，甚至超越了第一集，看來大家看了幾集已經不再期待是《繼續》，改以另一心態去看也就能欣賞得到其魅力。
《Q10》第二集實在跌太多，第三集保持是否已經過了谷低還很難說，然而《獸醫杜立德》成功保住第三周已回升，而劇情相信也會漸漸深入及有更多感動位。
另外星期日的兩部，由於本身已經是低無可低，連續保持在7%看來也不是什麼好事，特別是《完美的報導》，真的有這樣不行嗎？還請看過的說說。
最後《流星》在下也看了兩集，收視會上升真的是意外，雖然製作鏡頭配樂以至節奏都不錯，還有設定太難接受無共鳴，真的有點韓風感，然而韓劇這樣的愛情是俊男配美女，然而蒼老了很多的竹野內豐實在欠缺魅力感覺大叔，傳聞本劇的主角本來是水嶋ヒロ但因他退出娛樂圈所以才換上竹野內，的確如果主角換上年輕的水嶋感覺就會對味很多了。
之後就是守不住的墮落組別。
《罪 和惡魔契約的女人》連跌兩周，已經去到接近個位數的邊緣，到底在搞什麼？在下還未有空追回未敢下判斷。但值得留意的是同時段NHK的《第二處女》卻是得到二連升！此消彼長之下，會不會小卡士的劇反勝？實在是很難預料！
另一部墮落中的是《醫龍３》，上周12.5%的收視已經破了三輯醫龍以來的最低收視！也是要重點關注為什麼會變成這樣。而同一日另一套《國稅查察官》經過第一周的爆高之後回落，本周是升是跌是關鍵。
其他劇方面，《相棒》最新一集收19.6%，已經是超越了上一個Season除了大結局以下的單集紀錄，加上《龍馬傳》收視的不濟，《相棒》已經成為了當今日本收視最強的劇集！
而在下沒有提供資料的晨早劇《鐵板》，其實收視也算不錯，平均都有18%，最近更衝擊20%的大關，會不會在《ゲゲゲの女房》後又成為另一部熱門劇？
至於一眾深夜劇也沒有特別的起伏。
大家又看了哪幾部，是否可以從劇的好看程度反映出收視起跌？
《罪與惡魔》，兩個主角都是我杯茶，好有性格~
當愛情片睇好好睇，仲有，有D位係好到肉，好FEEL到女主角的傷痛
如題 , 好好睇.< 可能太耐冇睇日劇..但日本聽講唔係3代先供完一間屋--?
佢對媽媽真好....好期待下一集!
今天（11/04）新的收視率出來了，「罪 和惡魔契約的女人」攀升至14.7，「飛特族、買個家」更是達到新高17.7。本季不少劇收視率都很穩，也出現第二集後，收視率比首集更高的現象，值得繼續觀察！若就2010秋季日劇劇情而言，我看了10部日劇的首集，整體水準的確不低，強調特色的劇，都還滿精彩的，就算是公式化的劇，也不至於太悶。還有，個人很喜歡「Q10」，不過這劇收視率這樣應該算正常，因為木皿泉的劇本詮釋手法並不大眾化，目前看到的心得大多評價兩極。
果然是秋季，開季看了很多套：
《醫龍3》要飛黎睇，只看手術/介入治療場面，仲係幾刺激，但劇情乏善足陳(又冇左水川，失望，拍大河劇真係搞到乜都唔駛做？)
《Q10》 都係要飛黎睇，雖然我知前田係扮機械人，但係點都頂唔順佢把聲，佢一開聲就飛帶。不過劇情帶出的訊息可堪細味。
《Quilty》開始頂唔順，究竟幾時先話俾我知點解要整死咁多人呀！玉木明明懷疑菅野，又唔做D野，究竟仲要死多幾多人，死多幾多集呀？菅野係好戲，but雙面人真係好驚驚……
《Freeter》不用多說，就是值得這個收視。二宮真係做到o個種令人想大把大把星埋去的衰仔樣。
《SPEC》堤導好野！睇佢惡搞都夠正！
《獸醫》喜歡看動物片，呢套舒舒服服都OK。
《秘密》睇過電影、小說，都會懷疑點拍到九集。第一集去得太快，第二三集又拖返慢，不過睇落又改得唔係好差。慢慢build up直子的心理變化、發現原來不了解女兒的想法，加強了家族愛是呢次改編的重點吧。志田與廣末，查實都幾唔同的演繹，各有各好睇！
《流星》嘩，完全不一樣的上戶彩！終於覺得佢係一個演員。竹野內和松田不耍帥，哈，真有點不慣。淡淡的慢慢的，也不錯。
《完美的報導》、《黃金豬》、《國稅》查實三套的感覺類似：大物女優做破格的調查員(查新聞、查政府部門、查漏稅)+一TEAM唔對路的伙記+老梗劇情+單元化，當中完美又好睇DD，個個搭檔都有D特點。唔係話唔好睇，但太單元式，追唔追都得，只係衝著兩位涼子姐，點都會補完。
《小田霧響子》冇睇過漫畫，估唔到係咁的，輕輕鬆鬆，不過又係可看可不看。
提議：
劍大會唔會搞個日劇學院賞競猜呢？(OR搞個日劇網友賞，之前日劇無雙講過下？)
雖則作品賞和主演男優賞都幾乎毫無懸念(一字記之曰：嵐)，但主演女優賞應該爭持激烈，有得玩下。
看了罪和惡魔契約的女人,Q10,吸血大耳窿.
我反而覺得罪和惡魔契約的女人幾好睇.
可能另一個角度去睇會好點.
我的感覺似係睇愛情劇多過復仇.
如果睇劇重心放係復仇就不是太精彩了.
Q10好多深層意思.就咁睇一次好難完全明白.
所以做哂先一次過睇.
吸血大耳窿刻劃債仔心理方面相對其他同類劇多好多.都幾好睇
Q10 – 無乜期望下有啲意外驚喜，劇情推進非單原化，各個角色都有發揮，值得一讚，但最大問題反而係Q10同佐藤健嘅互動不足，又唔係一齊住，又唔係成日溝通，但個草食男就無端端愛上咗Q10(一見鍾情？)，令到某啲理應感動位變得有啲突兀。
罪 和惡魔契約的女人 – 個人幾鍾意，管野美穗演到上哂身，學園賞大熱，玉木宏都做得好好，呢套劇我覺得套重點唔係搵真兇，而係管野美穗同玉木宏嘅變化同矛盾心理，本人抱住呢個心態去睇就覺得呢套劇好精彩。
黃金之豚 – 有啲失望，篠原涼子同大泉洋繼續有火花，問題係劇情公式到不得了，而且有啲唔合理，睇多一兩集隨時cut。
秘密 – 另一套好睇之作，第三集有少少拖戲，但個氣氛仲保持到，唔覺得悶，劇情有大量發展空間，期待。
獸醫杜立德 – 第一集其實唔係好合理，井上真央咁窮嘅話其實無可能仲養到隻馬……之後劇情發展都OK，會睇多幾集再決定 cut 唔 cut。
吸血大耳窿 – 今季大愛，成奪劇好有意思，所表達嘅道理完全中哂本人胃口，山田考之本人對佢好反感，但佢係套劇度真係入型入格，推薦。
秘密我覺得會再拖一兩集,但的確原著小說裏面有好多貨未出.
劇透就唔係度做了,有興趣可以自己搵小說聽.如果大劇情唔偏離小說太遠,我認為應該唔係太差.
"秘密"是我今季最喜歡的日劇 因為依駒劇我突登搵返電影版黎睇(廣末涼子啊!) 睇完之後就更加喜歡了 希望日劇版能夠保持水準吧 不竟男女主角在我而言都是好戲之人 劇情到現在第3集都唔算差 只少吸引到我繼續追落去
劍心可能無時間追不過一定要搵返電影版黎睇啊!!
追緊[國稅]和[黃金之豬], [醫龍3]未有mood去睇. [黃金之豬]未必追晒, 因為已經有少少公式化, 撇開篠原還是米倉粉絲身份, 我估[國稅]會好睇, 人物劇情比較細緻少少, 篠原角色太神經質, 有點欠說服力~
可能會追[飛特族],[perfect report], 口碑好似唔錯!! again, [龍馬傳]真係好好睇, 可能係fans就繼續追, 最多大結局會升一兩點, 呢套劇好似[悲慘世界]電影版, 完全水準之作~
今季會追FREETER, Q10同SPEC.
Q10人物發展非單元化,不少情節+平太的獨白都很有感覺. 頭2集很不錯, 但第3集開始有些少地方令人摸不著頭腦…平太突然間好中意Q10?……明明就是很冷感的草食男呀…. 木血泉依舊言之有物,加返D野豬式幽默觀眾可能會更受落吧?
SPEC漸入佳境了吧?第三話不錯,劇組用心既細節+惡搞其他刑事劇…讚一讚堤導
FREETER喜歡社會實況類劇集… 作為年輕人, 二宮和也既工作態度真係令人(我)好有共鳴…XD
另外guilty,獸醫,黃金之豚同流星各睇左1-2集, 驚喜欠奉,有時間先會睇下…
今季睇左《罪與惡魔》，《Ｑ１０》，《獸醫杜立德》，《ＳＰＥＣ》，《飛特族》
《Ｑ１０》意外地好好睇～男女主角都好可愛，第二集砂糖既髮型令我諗起電王，前田做機械人真係意外討好，極之可愛呀～第二集主題也實在令人有共嗚，而家每星期反而最期待呢套，可能我都係鐘意輕鬆校園劇XD
《飛特族》好睇就唔洗講，第二集既發展更加不得了，好有追看意欲！
《獸醫杜立德》還不錯，幾好奇杜立德係本來對人就係咁冷漠定係有原因既呢？然後ＭＡＯ真係好令～最殘念就係當年的類回不來了（髮型大問題），雖然我睇下睇下都慣左….
《ＳＰＥＣ》集集公式，而且講解有點悶，但第四集開始接近主線，變得好睇左少少，更估唔到當麻係識一的！
《罪與惡魔》睇左一集就冇動力再睇，老實講佢復仇目的顯而易見，冇咩特別原因令我想再睇，除非遲Ｄ有好評先會再睇
呢季只追睇左《惡魔契約》.《黃金之豚》.《Q10》同《獸醫杜立德》
《惡魔契約》睇左2集之後就冇再睇
雖然管野美穗d演技好好
但係個故事可能真係吾係好岩我睇~_~
似報仇多過搵真兇咁- -
同埋吉瀨係呢套好冇存在感
《黃金之豚》入面既調查事件既經過雖然好普通
但係勝在d人物夠搞笑
尢其係大泉洋xd
可以輕輕鬆鬆咁睇呢套
《Q10》算係我認為係今季既黑馬
我都係前幾日因為無聊先睇下
睇左第1集覺得ok
所以連第2,3集都睇埋
睇完覺得一集比一集感人
同埋都令我知道左原來佐藤健d演技咁好0_0
但吾明點解收視咁低= =
岩岩查左個節目時間表
好似之後有好多集都同隔離台撞大型節目或sp= =
《獸醫杜立德》雖然中意小栗旬同井上真央
但係我覺得劇情好普通
同埋我本身吾係咁中意睇醫療劇..
而家只係會追睇《黃金之豚》同《Q10》
其他就有時間先睇._.
其實我反而認為竹野內更適合《流星》，一個海洋生物館員工、愛護妹妹的大哥，真的太多的星味是不必要的，平凡真誠樸實的感覺讓我覺得他很適合這個角色，若要搶眼的，看松田翔太及稻垣吾郎也已足夠。
這次的收視真實反映了這幾部日劇是否好看，的確沒那麼吸引人的都下跌了（契約&醫龍），完美報導收視是有點太低了，但論好看度恐怕也只跟契約差不多，但不及SPEC流星Q10飛特族黃金豬這幾部。（個人感覺）
perfect report o係無期待之下睇左兩集, 覺得唔錯! 唔應該咁低收視
醫龍3, 未睇過1,2可能都會覺得ok, 但係睇得多真係好厭…
我係醫療界人士, 睇醫龍真係特別親切。呢輯其實收視下跌的原因可能係用介入治療(intervention)做主題, 講真手術場面只係見到啲導管同x光影像就話點勁點好, 其實係冇上兩輯咁切開個心口睇咁刺激。第三集入面鬼頭校長都話直播手術係外科吸引過內科, 我哋做觀眾都一樣咁揀。
但其實行內人嚟講, 睇黑木的intervention都係幾好睇, 但套劇主要的觀眾都係行外人啊….
我想講【完美報導】, 雖然只睇左第一集(因為字幕組還未發佈呢~ =P) 其實劇情蠻不錯的, 松雪泰子劇味十足, 小出惠介, 相武紗季, 要潤等各人都做足本份, 合情合理; 內容以記者身份去追查真相, 繼而揭發出一段感人的真相; 第一集已經被感動了, 小妹一定會繼續追下去. 至於收視低的原因, 相信真的是時段問題吧!! 始終同時段的競爭對手有一定的捧場客, 如果將此劇放在同台其他時段播出, 收視實不應如此!!~~~~
《罪與惡魔》收視下跌應該是因為拖戲變悶。做了三集依然沒多說冤案細節，只一味殺人報仇，但對於仇人做了什麼陷害她卻沒多說。女主角亦似在意報仇多過搵真兇還自己清白。或者姐姐真的是她殺的？今季日劇沒太大興趣，我都轉追久休復出的黃日華的港劇《刑警》去了…^^;;
《罪與惡魔》睇咗三集已經想放棄，睇到人好灰，人命真係咁唔值錢，因為坐了幾年冤獄，就要她認為害她的人以死贖罪？那些人都有家人，咁做是否太過殘忍及無人性？而且用兇殘方法殺人後只要話有精神病就可以無罪，太兒嬉了！
《秘密》第一集覺得唔錯，但二三集就麻麻，感覺悶及拖戲，點樣捱到大結局呢？
《Q10》意外地得我歡心，一直對AKB48反感，但前田敦子扮機械人卻很討好，佐藤健可愛依然，福田麻由子長大了，雖然唔算太靚但氣質好特別，她會否是另一個蒼井優？
《流星》劇情好老土，我係為竹野內豐而睇，但無可否認佢真係老咗好多，或者好似Boss既造型仲好啲，太過乾淨反而宊顯歲月趨人，同樣稻垣吾郎亦然，雖然電鬈髮但亦難掩頭髮開始稀疏的現實，而且梨沙同修一態度曖昧，點睇都係似情侶多過兄妹，松田翔太還是演介乎正邪之間既角色吸引，盡責既醫生還是留俾谷原章介較好。
《飛特族》寫實既劇情好有共鳴感，加上二宮和也同香里奈都有觀眾緣，收視率絕對可以保持到結局。
《黃金豬》唔算太差亦唔太好，不過篠原涼子同大泉洋既火花唔錯，如無意外會睇到尾。
今季暫時只睇咗六套，但罪同秘密好大機會放棄！
竹野內丰在流星裡不是要演帥哥呀, 是要扮演一個老實人, 但為了心愛的妹妹而說謊, 第一話是有點看不慣他呆呆的模樣, 但第二話越看越對味呢.
上戶彩在流星裡很出彩, 演技真的很讚! 很有驚喜呢, 超有風塵味, 佩服!
松田翔太, BLOG主你微博和這裡也沒提及他, 但的他角色, "神谷凌"剛被在日的TV MAGAZINE為選為最萌的角色第二位呢.
至於北乃綺, 宅男們截的圖差不多全都是她的, 雖然對她沒感, 但她在流星裡也蠻可愛的嘍.
本來對劇本原本的設定也頗擔心的, 但日風的契戀婚姻, 和韓風的每每一直有人在哭, 其實分別蠻大的.
這劇走很唯美路線, 音樂和畫面也很美.
也可能原本沒有很大期望, 所以出來效果, 覺得這一回富士算是真的走純愛風了, 不是春季月戀的詐騙和混亂, 和夏戀的過於平淡, 男女主角擦不出火花.
P.S. GORO的奸角比想像中出色, 沒想過GORO真的演得不錯.
希望第三話能守住收視嘍.
老實人當然外表打扮平凡，但同時也可以本身樣子有魅力只是隱藏而已，然而竹野內真的太老而沒有了這方面的能力。純愛劇男女主角的吸引力一直以來都是最重要的，看得順眼匹配可說是會否追看的重點。
此外松田翔太外表始終是有陰陽怪氣，做正直的醫生還讓在下時不時在提防他是否有陰謀，他的演出是不錯，但個人認為是選角上匹配度有所不足。
其他的演員的確是不錯，GORO是零期望之下出色，然而看劇中人的行為真的很難預料和想像，也許真的要多一點時間去習慣才行，無論如何這劇都是和現實感共鳴感扯不上邊的了…
竹野內豐真係老左好多好多，想當年佢係《等你說愛我》入邊真係迷死人，靚仔有性格仲好癡情，真係唔明點解酒井法子飾演既女主角唔鍾意佢?
因為當年的主角不是他…XD
已經是17年前的事了，22歲和39歲，就算是男性也是敵不過歲月的…
我由上季(第8季)開始就有看相棒(因為有線有播) ,今季首2集也剛看完, 劇本仍保持上季的水準! 由於今年12月聖誕檔會在日本放映10週年之劇場版, 所以今季朝日應會盡力保持強勢收視.
此劇除首尾和元旦特別篇以外, 無香港觀眾熟悉的大卡士或偶像參演, 我想大家較有印象的要角就是由第7季尾集加入的男配角及川光博, 及岸部一德, 而上季最高收視的尾集(20.1%), 客串的就是水野美紀.
但由於每集劇本有水準, 第7和8季平均收視都有18.8%和17.7%, 能夠做10年並且收視越做越好, 實在值得大家留意.