話說星期二晚，和日本朋友道別後，在下和幾個相熟的打機朋友在灣仔附近的西餐廳坐下吃晚餐，但這晚餐卻教在下感到很意外，內容竟然可以深入探討男女之間的想法及關係。
首先，介紹登場人物：
L君：當晚協助日文翻譯，留學外國多年，現為某機舖集團的太子爺，每天工作是巡視業務（即打機），當然有錢，也有女
A君：將和在下一起學日文的朋友，也是留學外國，現打理家族生意，一年工作三個月其餘九個月都清閒，極有錢，但冇女
J君：工作多年，每一份工都是靠人際關係吃飯，自然閱人／閱女無數，交際手腕超卓，當然有女，數量不清楚
K君：就是在下，沒有L君A君有錢及有國際視野，沒有J君的口才交際能力，唯一優勝之處是打機比他們強（這算什麼？！）
這是頭盤
四個男生，話題自然圍繞女生的問題。以下是節錄他們的部分對白：
L：即係呢，要溝女，最緊要果樣係「閒」
J：冇錯，最緊要係俾到時間同心機，錢反而唔係咁重要，夠養得起自己之餘又洗到些少錢係條女身上就得啦
L：我呀，以前讀書果時，有個同學，樣麻麻又老土，成日俾人「恰」，但係之後成日都去蒲Bar，結果又俾佢執到唔少喎！而家我見到佢，都會仲覺得「憑你？得唔得呀？！」，所以呢，肯俾心機俾時間，根本唔驚冇女o既！
A：我都有個Friend呀，佢以前好乖得一個女朋友，拍左好耐拖之後散鬼左，佢走左去三藩市，點知近排佢打電話黎，同我呻，話「A君，我覺得真係好唔掂，搞到自己好似隻鴨咁，晚晚唔同，點算呀？」我即刻Cup佢線！
J：係，我都覺，無論點樣唔識溝通點乖都好，肯放時間落去一定有回報o既。不過聽人講過，男女之間o既收入比例，最好係2:1，咁係最Perfect最少爭拗o既
K：不過落Bar真係唔係好岩我，洗o既錢都唔係問題，係Skill o既問題，例如猜枚唔得o既，D女見到你唔掂就唔同你溝通啦
L：你要明白，其實落去打獵o既，唔只係男，女o既都係一樣o既。你睇下果D Bar，一個Drink平則五十八十，都一樣越開越多，自然係有佢生存得到o既原因o既
J：都係果句，肯俾時間就得，我都有Friend逢一三五都落去劈，星期二四六就放工即番屋企補眠，錢唔係多，一樣係咁搵到食
L：K君，所以你真係唔駛驚，俾你條件更衰o既而有著落o既我都識好多。同埋你都知，香港係一個男女比例失衡o既地區，港男又越黎越多番大陸娶老婆，佢地每娶一個香港又多個女仔遇難啦。講驚，D女驚過你啦！
J：同埋男人真係可以擺得耐D，到左40歲一樣有市場，女就唔同，廿頭都會去玩去蒲，到左廿尾就會想要番D安全感，會開始對搵個長遠o既結婚著急，所以要急果個都唔係你啦！
L：不過呢，你做野同打機識唔到又真係死症，冇得救。講起打機，果隻……
之後，大家的話題就漸漸轉回打機之上，相信大家對這些都沒興趣，也不提及了。
而晚餐方面，每人消費約一百元，以食品的質素及環境來看，只算不過不失，故此也不作推介，大家看相片自行幻想吧。
一直以為，在下的打機朋友，對於這些男女事項都是無甚意見，甚至是無欲無求的，經過這一晚之後，發現原來也有例外的，意外的找到一個可以聊得高興的組合，結果是聊到打烊再轉戰附近的Cafe繼續。
他們各有比在下優勝的條件，當然不愁沒女。不知道他們對在下說「不用著急」，是基於他們擁有的條件，還是真的站在在下的立場去說，但無論如何，也讓在下好像有點過熱的心冷卻了一下。所謂欲速則不達，還是不要太著急比較好。
至於他們的觀點，只代表他們自己的意見，與在下無關，有任何投訴反對，不要找在下悔氣！
A君的新玩具，價值5萬多元的MAZDA ROADSTER MX-5，打算玩三個月就換。
他沒女友的原因是要看清女生不是為了他的錢而接近，多豪華的原因……
哈… 好好笑！點解你d 朋友會覺得有時間就一定有女呢？咁都要睇下個女仔對你有無feel 先得架？仲有最重要係有無共同興趣與話題！如果連最基本既野都無, 我諗連做普通朋友都有問題啦… 相信你也算過遇到一d 唔岩feel 的人吧！（no matter they are male or female！）對佢地多一陣都想死呀～ 只想快d 走！
雖然, 話就話男多過女, 但女仔都唔係個個都會退而求其次架！d 上大陸娶老婆既, 大部份都係d 低層技術人士, 說老實的, 有本事就可以在香港搵到啦！就係有問題, 先至要返大陸o者！可能港女都會驚, 但都不會求其到隨街找個男人卦？如果有質素的女性, 會甘於這樣嗎？再講, 如果你係個有質素既男人, 我諗你都唔會求其在大陸找個女人結婚啦！香港男人在大陸還很搶手的（無論有錢與否、靚仔與否）, 但你又會否看得上她們呢？
以上都只是我看完你這篇的睇法, 可能有少少偏激左d.. 嘻嘻～ 希望不要見怪！但我不是對你說的, 只是對某些男士的想法而說的。如說得過激, 請見諒！
多謝你的支持，請多多留言！
在下覺得他不是有不快Experience，也不是看錢看得很重，只不過是他的性格比較追求完美，也單純得不大懂應付攻心計的女性吧。
hi劍心,最近才發現你這個blog,每日必睇喎!
你的朋友跟你的文章同樣有趣!
我都有D讚同你朋友所講,不過要想想…你去甚麼地方浦,就識甚麼人!
如果驚女生為錢而埋佢身,一是曾有不快experience,一是佢本身睇錢好皇重.
你點睇?
的確是有不少女生為錢(或面子)而接近有錢男仔。
劍心這些朋友超越我接觸到的世界,所以沒法有所共鳴;那種打獵的想法或許不適合我吧…我還是個老套的人(笑)
也不是，基本上他的原因和在下接近，加上比較追求完美，所以…
那些原因在下應該不會有機會用上的了，哈。
你不要扮野…哼!
在下相信女生聚在一起都會談男生的。
上了一堂寶貴的男女關係課.
初次留言，劍心你好。=)
小弟八掛問問，A君是否因為覺得自己有條件去等待機會，而從不打算主動出擊？看罷他說的原因，真是酷死了……@@
為什麼男人聚在一起一定會談女？有研究空間……
咁乜好慘‥